အဓမ္မပြုကျင့်ခံရတယ်ဆိုတဲ့ အသက် ၈ နှစ်အရွယ် ကလေးငယ်တယောက်အတွက် တရားမျှတမှုပေးဖို့ ရာနဲ့ချီတဲ့လူတွေ ဘင်္ဂလားဒေ့ရှ်နိုင်ငံ မြို့တော် ဒါကာမှာ မတ် ၉ ရက်က ဆန္ဒပြ တောင်းဆိုခဲ့ကြပါတယ်။
ဒါကာတက္ကသိုလ် အနီးတဝိုက်မှာ ဆန္ဒပြသူ အယောက် ၃၀၀ လောက် စုရုံးခဲ့ပြီး အများစုက အမျိုးသမီးတွေပါ။
ဆိုင်းဘုတ်တွေနဲ့ တုတ်ရှည်တွေကို ကိုင်ထားတဲ့ ဆန္ဒပြသူတွေက “မုဒိမ်းမှုနဲ့ ဖိနှိပ်မှုကနေ လွတ်မြောက်ရေး” လို့ ကြွေးကြော်ခဲ့ကြပါတယ်။
စွပ်စွဲထားတဲ့ ဖြစ်ရပ်အပေါ် အစိုးရရဲ့ တာဝန်ခံမှုနဲ့ ကလေးဘေးကင်းရေးအတွက် အာမခံချက်ပေးဖို့ ဆန္ဒပြသူတွေက တောင်းဆိုခဲ့ကြပါတယ်။
ဘင်္ဂလားဒေ့ရှ် အနောက်ပိုင်းမှာ မတ် ၅ ရက်က ၈ နှစ်အရွယ် မိန်းကလေးကို မိသားစုနဲ့သိတဲ့ လူတယောက်က အဓမ္မပြုကျင့်ခဲ့တယ်လို့ ဒေသတွင်း မီဒီယာတွေက ဖော်ပြခဲ့ပါတယ်။
သူ့ကို နောက်တနေ့မှာ ဆေးရုံတင်ခဲ့ပြီး လက်ရှိမှာ စိုးရိမ်ရတဲ့ အခြေအနေမှာ ရှိနေတယ်လို့ ဒေသတွင်း သတင်းတွေက ဆိုပါတယ်။
ဒီဖြစ်ရပ်ဟာ လူမှုကွန်ရက်ပေါ်မှာ ပျံ့နှံ့သွားပြီး နောက်ရက်တွေမှာ နိုင်ငံတဝန်း တခြားမုဒိမ်းမှုတွေပါ ပေါ်လာလို့ အလားတူ ဆန္ဒပြပွဲတွေ ဖြစ်ပွားခဲ့ပါတယ်။
Source : Reuters
