မောင်တောတွင် ငါးခိုးဖမ်းသည့် ဘင်္ဂလားဒေ့ရှ် စက်လှေတစီးကို AA က ဖမ်းဆီး
DVB
·
March 7, 2025
ရခိုင်ပြည်နယ် မောင်တောမြို့နယ်မှာ မတ် ၆ ရက်က တရားမဝင် ငါးခိုးဖမ်းတဲ့ ဘင်္ဂလားဒေ့ရှ်နိုင်ငံက စက်လှေတစီးကို အာရက္ခတပ်တော် (AA) ရဲ့ ကမ်းခြေစောင့်တပ်က ဖမ်းဆီးရမိခဲ့တယ်လို့ AA နဲ့ နီးစပ်သူတွေဆီကနေ သိရပါတယ်။
အဲဒီစက်လှေပေါ်မှာ ဘင်္ဂလားဒေ့ရှ်နိုင်ငံသား ၆ ယောက်လိုက်ပါလာပြီး သူတို့ကို AA က စစ်ဆေးမေးမြန်းတာတွေ ပြုလုပ်နေတယ်လို့ ဆိုပါတယ်။
မောင်တောမြို့နယ်မှာ ပြီးခဲ့တဲ့ ဖေဖော်ဝါရီ ၂၇ ရက်ကလည်း တရားမဝင်ငါးခိုးဖမ်းတဲ့ ဘင်္ဂလားဒေ့ရှ်နိုင်ငံသား ၂၉ ဦးကို AA က ဖမ်းဆီးစစ်ဆေးကာ ဘင်္ဂလားဒေ့ရှ် နယ်ခြားစောင့်တပ် ထံ လွှဲပြောင်းပေးခဲ့တယ်လို့ သိရပါတယ်။
