ယူကရိန်းစစ်တပ်ရဲ့ ပစ်ကွင်းဧရိယာပေါ်ကို ရုရှားဒုံးကျည် တိုက်ခိုက်မှုကြောင့် မေ ၂၀ ရက်က လေ့ကျင့်ရေးအချိန်အတွင်း စစ်မှုထမ်း ၆ ယောက် သေဆုံးပြီး ၁၀ ယောက်ထက်မနည်း ဒဏ်ရာရရှိခဲ့ကြောင်း ယူကရိန်း အမျိုးသားအစောင့်တပ်က မေ ၂၁ ရက်မှာ ပြောကြားခဲ့ပြီး တပ်ဖွဲ့မှူးကို ရာထူးက ရပ်စဲထားကြောင်းလည်း ဆိုပါတယ်။
ရုရှားကာကွယ်ရေးဝန်ကြီးဌာနက ရုရှားနယ်စပ်အနီး ယူကရိန်းအရှေ့မြောက်ပိုင်း ဆူမီဒေသရှိ လေ့ကျင့်ရေးစခန်းကို ဒုံးကျည်နဲ့ တိုက်ခိုက်ခဲ့ရာ သင်တန်းပို့ချသူ ၂၀ အပါအဝင် ယူကရိန်းတပ်ဖွဲ့ဝင် ၇၀ ထက်မနည်း သေဆုံးခဲ့ကြောင်း မေ ၂၀ ရက်မှာ ပြောကြားခဲ့ပါတယ်။
ရိုက်တာက အဲဒီနေရာကို ဂြိုဟ်တုပုံရိပ်တွေနဲ့ အတည်ပြုကြည့်ရာမှာ ဆူမီဒေသရှိ ရှော့စ်တ်ကာမြို့မှ အဆောက်အအုံတွေ၊ သစ်ပင်တွေ၊ လမ်းအပြင်အဆင်တွေနဲ့ ကိုက်ညီနေတာကို တွေ့ရှိခဲ့ပါတယ်။
ဗီဒီယို ရိုက်ကူးထားတဲ့ ရက်စွဲကိုလည်း ယူကရိန်းနဲ့ ရုရှား ၂ နိုင်ငံစလုံးက တိုက်ခိုက်မှုသတင်း တရားဝင် ထုတ်ပြန်ချက်တွေအရ အတည်ပြုထားပါတယ်။
အရင်စစ်ရေးလေ့ကျင့်ရေးစခန်းတွေ တိုက်ခိုက်ခံရမှုတွေအပြီးမှာ ယူကရိန်းဟာ ပေါ့ဆမှု ဖြစ်နိုင်ခြေအဖြစ် စုံစမ်းစစ်ဆေးမှုတွေကို စတင်ခဲ့ပါတယ်။
၃ နှစ်ကျော်ကာလအတွင်း ပဋိပက္ခတွေမှာ မော်စကိုရဲ့ တပ်ဖွဲ့တွေဟာ ယူကရိန်း စစ်ဘက်ဆိုင်ရာ ပညာရေးအဆောက်အအုံတွေနဲ့ ပုံမှန် ပြင်ပစုဝေးမှုအမျိုးမျိုးကို တိုက်ခိုက်မှုတွေကြောင့် အသေအပျောက်တွေ ရှိခဲ့တာ ဖြစ်ပါတယ်။
Source: Reuters
