အိန္ဒိယ-မြန်မာနယ်စပ်မှာ ရူပီး ၁ ကုဋေကျော် တန်ကြေးရှိ မူးယစ်ဆေးဝါးတွေနဲ့အတူ လူ ၃ ယောက်ကို လုံခြုံရေးတပ်ဖွဲ့တွေက ဖမ်းမိခဲ့တဲ့အကြောင်း The Statesman သတင်းမှာ မတ် ၂၇ ရက်က ဖော်ပြပါတယ်။
သတင်းပေးချက်အရ အာသံရိုင်ဖယ်တပ်ဖွဲ့ဝင်တွေဟာ ဇိုခေါသာကျေးရွာနယ်စပ် စစ်ဆေး ရေးဂိတ်မှာ ပြီးခဲ့တဲ့ မတ် ၂၄ ရက်က ဂိတ်ချခဲ့ချိန်မှာ ခုလိုဖမ်းဆီးနိုင်ခဲ့တာလို့ ဆိုပါတယ်။
လုံခြုံရေးတပ်ဖွဲ့တွေဟာ အာသံပြည်နယ် မှတ်ပုံတင်နံပါတ်ပါ ယာဉ်တစီးကို ကြားဖြတ် ရှာဖွေခဲ့ချိန်မှာတော့ ယာဉ်အတွင်းပိုင်း ခေါင်းအုံးဖုံးအတွင်းဝှက်ကာ သယ်ဆောင်လာတဲ့ ၁၅၁ ဒသမ ၇ ဂရမ် အလေးချိန်ရှိတဲ့ ဘိန်းဖြူ ၁၂ ထုပ်ကို တွေ့ရှိခဲ့တယ်လို့ သတင်းမှာ ဖော် ပြပါတယ်။
လတ်တလောမှာတော့ ဒီကိစ္စနဲ့ ပတ်သက်တဲ့ လူ ၃ ယောက်ကို ချက်ချင်းဖမ်းဆီးခဲ့ပြီး သက်သေခံ မူးယစ်ဆေးဝါးတွေနဲ့အတူ ဒါကို သယ်ဆောင်ရာမှာ အသုံးပြုတဲ့ ယာဉ်ကိုပါ သိမ်းဆည်းခဲ့ပြီး နောက် ချန်ဖိုင်းပြည်နယ်ပြည်နယ် အခွန်နှင့် မူးယစ်ဆေးဝါး ဦးစီးဌာနဆီ ဆက်လက် လွှဲပြောင်းပေးအပ်ပြီး ဥပဒေအရ အရေးယူ ဆောင်ရွက်နေတယ်လို့ ဆိုပါတယ်။
အဆိုပါ လူ ၃ ယောက်နဲ့ ပတ်သက်တဲ့ အသေးစိတ် အချက်အလက်တွေကိုတော့ သတင်းမှာ ဖော် ပြထားခြင်း မရှိပါဘူး။
အခုဖမ်းဆီးမှုဟာ အိန္ဒိယ-မြန်မာနယ်စပ်တလျှောက် တရားမဝင် မူးယစ်ဆေးဝါး ရောင်းဝယ် ဖောက်ကားမှုတွေကို တားဆီးဖို့ကြိုးပမ်းမှု တစိတ်တပိုင်းဖြစ်ပြီး မှောင်ခိုသမားတွေ မကြာခဏ သုံးစွဲနေတဲ့ လမ်းကြောင်းလည်းဖြစ်တယ်လို့ သတင်းမှာ ဖော်ပြပါတယ်။
မတ် ၁၄ ရက် အစောပိုင်းကလည်း မီဇိုရမ်ပြည်နယ် ရဲတပ်ဖွဲ့က အခုနှစ်ထဲ ပြည်နယ်အတွင်း အကြီးမားဆုံး ဘိန်းဖြူဖမ်းဆီးရမိမှုတခုအဖြစ် ဇိုခေါသာကျေးရွာမှာပဲ မူးယစ်ဆေးဝါး ၄ ဒသမ ၇၂၂ ကီလိုဂရမ်ကို သိမ်းဆည်းရမိခဲ့ပါတယ်။
