ဝန်းသိုကို စစ်တပ်ဗုံးကြဲ၊ ကလေးများအပါအဝင် ၂၀ ကျော်သေဆုံး
DVB
·
April 9, 2025
စစ်ကိုင်းတိုင်း၊ ကောလင်းခရိုင်၊ ဝန်းသိုမြို့နယ်၊ နမ်းခမ်းရွာကို စစ်ကောင်စီတပ်က ဧပြီ ၉ ရက် ဒီနေ့ လေကြောင်းကနေ ၅ ကြိမ်တိုက်ခိုက်ခဲ့ပြီး ကလေးငယ်တွေအပါအဝင် လူအယောက် ၂၀ ကျော်သေဆုံးခဲ့ပါတယ်။
ညနေ ၃ နာရီလောက်မှာ ဂျက်ဖိုက်တာ ၃ စီးနဲ့ လာရောက်ပြီး ၄ ကြိမ်ဗုံးကြဲတိုက်ခိုက် ပစ်ခတ်ခဲ့တယ်လို့ ကောလင်းသတင်းတွေဖော်ပြပေးနေတဲ့ Kawlin Info တာဝန်ရှိသူက ပြောပါတယ်။
“ကလေးငယ်တွေပါတယ်။ ၂၀ ကျော်နေပြီ လောလောဆယ် သေဆုံးမှု၊ ရှာဖွေနေတုန်း၊ ထိခိုက်ပျက်စီးမှုက တော်တော်များတယ်” လို့ ပြောပါတယ်။
ညနေ ၆ နာရီလောက်မှာလည်း မိတ္ထီလာ ရှမ်းတဲလေတပ်ကတက်လာတဲ့လေယာဉ်နဲ့ နမ်းခမ်းရွာကို နောက်ထပ် ဗုံးကြဲတိုက်ခိုက်ခဲ့သေးပြီး ပျက်စီးထိခိုက်မှု အသေးစိတ်ကိုတော့ မသိရသေးပါဘူး။
Photo - Kawlin Info
