ငလျင်ကြောင့် နေပြည်တော် ဝန်ထမ်းအိမ်ရာ တိုက်ခန်းအပျက်အစီးများ (ဓာတ်ပုံ)
DVB
·
April 2, 2025
မတ် ၂၈ ရက်ကလှုပ်ခတ်ခဲ့တဲ့ အင်အားပြင်း မြေငလျင်နဲ့ နောက်ဆက်တွဲ မြေငလျင်တွေ ကြောင့် နေပြည်တော်မှာရှိတဲ့ စစ်ကောင်စီ ဝန်ထမ်းတွေရဲ့ အိမ်ရာတွေလည်း အတော်များများ ထိခိုက်ပျက်စီးသွားပါတယ်။
ဝန်ထမ်းအိမ်ရာတိုက်ခန်းတွေရဲ့ ကွန်ကရစ်တိုင်တွေ၊ ကြမ်းပြင်တွေ၊ မျက်နှာကြက်တွေ၊ ပြတင်းတံခါးတွေ ပြိုကျပျက်စီးသွားသလို နေပြည်တော် ဧက ၄၀၀၀ ရှိ ၄ ထပ် ဝန်ထမ်းအိမ်ရာတိုက်ခန်းတွေလည်း ပြိုကျပြီး မြေညီထပ် တထပ်လုံး မြေကြီးထဲ ကျွံဝင်သွားတာတွေလည်းရှိပါတယ်။
ဝန်ထမ်းတွေနဲ့ မိသားစုတွေလည်း သေဆုံးတာ၊ ဒဏ်ရာရတာတွေရှိနေပြီး တိုက်ပိလို့ သေဆုံးသူတွေရဲ့ အလောင်းတွေလည်း မကယ်ထုတ်နိုင်လို့ အပုပ်နံ့တွေလည်း ရနေတယ်လို့ နေပြည်တော်ဒေသခံတွေက ပြောပါတယ်။
