စပါးအသင်းနည်းပြရာထူးနှင့် ပတ်သက်ပြီး ဘုန်းမောက်နည်းပြ အီရာအိုလာ ငြင်းဆို
DVB
·
April 2, 2025
စပါးအသင်းနည်းပြရာထူးနဲ့ ပတ်သက်ပြီး ဘုန်းမောက်နည်းပြ အီရာအိုလာက ငြင်းဆိုသွား ပါတယ်။
စပိန်နည်းပြဟာ ဘုန်းမောက်အသင်းမှာ စွမ်းဆောင်ရည်ကောင်းပြသနေပြီး စပါးအသင်းအပါအဝင် တခြားအသင်းတွေရဲ့ စိတ်ဝင်စားခံနေရတာပါ။
စပါးအသင်းနည်းပြ ရလဒ်မကောင်း ဖြစ်လာတဲ့ နည်းပြ ပို့စ်တီကိုဂလူကို အပြောင်းအလဲလုပ်ဖို့ စဉ်းစားနေပြီး ဘုန်းမောက်နည်းပြ အီရာအိုလာက နံပါတ်တစ်ပစ်မှတ်နည်းပြဖြစ်လာတာပါ။
နည်းပြအီရာအိုလာကတော့ စပါးအသင်းနဲ့ အပြောင်းအရွှေ့ သတင်းတွေကို ဖြေကြားဖို့ ငြင်းဆိုသွားပြီး ဘုန်းမောက်အသင်းကို ပိုကောင်းတဲ့အဆင့်အတန်းဆီ မြှင့်တင်နိုင်ဖို့သာ အာရုံစိုက်ထားကြောင်း ပြောပါတယ်။
ဘုန်းမောက်အသင်းဟာ အက်ဖ်အေဖလား ကွာတားဖိုင်နယ်မှာ မန်စီးတီးနဲ့ တွေ့ဆုံနေပြီး ဆီမီးဖိုင်နယ်အဆင့်ကို ပထမဆုံးအကြိမ်တက်လှမ်းနိုင်ဖို့ အခွင့်အရေးဖြစ်ကြောင်း နည်းပြ အီရာအိုလာက ပြောသွားပါတယ်။
Photo: Reuters
