မန်စီးတီးတိုက်စစ်မှူး ဟာလန်း ဒဏ်ရာကြောင့် ၂ လနီးပါးအနားယူရနိုင်
DVB
·
April 2, 2025
မန်စီးတီးတိုက်စစ်မှူးဟာလန်းဟာ ခြေကျင်းဝတ်ဒဏ်ရာကြောင့် ၂ လနီးပါးအနားယူရနိုင်တယ်လို့ သိရပါတယ်။
ဘုန်းမောက်ကို ၂ ဂိုး ၁ ဂိုးနဲ့ အနိုင်ရတဲ့ အက်ဖ်အေဖလားပွဲစဉ်မှာ ဒဏ်ရာရှိခဲ့တာဖြစ်ပြီး ကွင်းအပြင်ကို ချိုင်းထောက်အကူအညီနဲ့ ထွက်ခဲ့ရတာပါ။
ဒဏ်ရာအခြေအနေ စစ်ဆေးအပြီးမှာ ပြင်းထန်မှုရှိတာကြောင့် ၂ လနီးပါး အနားယူရဖို့ ဖြစ်လာခဲ့တာပါ။
မန်စီးတီးနည်းပြဂွါဒီယိုလာကတော့ ဟာလန်းဟာ ၅ ပတ်ကနေ ၇ ပတ်အထိ အနားယူရနိုင်တယ်လို့ အသင်းဒေါက်တာက အသိပေးထားကြောင်း၊ ရာသီအဆုံးသတ်ချိန်ဖြစ်တဲ့ ဖီဖာကလပ်ကမ္ဘာ့ဖလားမတိုင်ခင်မှာ ပြန်လည်ကစားနိုင်ဖို့ မျှော်လင့်ကြောင်း ပြောပါတယ်။
မန်စီးတီးဟာ ကလပ်ကမ္ဘာ့ဖလားပြိုင်ပွဲကို လာမယ့် ဇွန် ၁၈ ရက်ကနေ စတင်ယှဉ်ပြိုင်သွားရမှာ ဖြစ်ပါတယ်။
Photo: Reuters
