နောင်ချိုကို စစ်တပ်ဗုံးကြဲ၊ ဘုန်းတော်ကြီးနှင့် ကိုရင်များအပါအဝင် ၁၄ ဦးသေဆုံး
DVB
·
March 16, 2025
ရှမ်းပြည်နယ်မြောက်ပိုင်း နောင်ချိုမြို့ကို စစ်ကောင်စီက လေကြောင်းကနေ ဗုံးကြဲပြီး ပစ်ခတ်တိုက်ခိုက်လို့ ဘုန်းတော်ကြီး ၁ ပါးနဲ့ ကိုရင်တွေအပါအဝင် ပြည်သူ အနည်းဆုံး ၁၄ ယောက် သေဆုံးခဲ့တယ်လို့ ကနဦးသိရပါတယ်။
သိရှိရသလောက် ဘုန်းတော်ကြီး ၁ ပါးနဲ့ ကိုရင် ၈ ပါး ပျံလွန်တော်မူခဲ့ပြီး အမျိုးသား ၂ ယောက်နဲ့ အမျိုးသမီး ၃ ယောက် သေဆုံးခဲ့ပါတယ်။
ထုတ်ပြန်တွေ့ရှိရတဲ့ ပုံတွေအရတော့ ဘုန်းတော်ကြီးကျောင်းဆောင်ပေါ်ကို ဗုံးတည့်တည့်ကျရောက်ပေါက်ကွဲပြီး အကုန်ပြိုကျနေတာကို တွေ့ရပါတယ်။
ဗုံးကျရောက်ပေါက်ကွဲလို့ ပြည်သူလူထုအများအပြား ထိခိုက်မှုရှိပြီး နေအိမ်နဲ့ ကျောင်းဆောင်လည်း အများအပြား ထိမှန်ပျက်စီးသွားခဲ့သလို နောက်ဆက်တွဲအခြေအနေတွေ ထုတ်ပြန်ပေးမယ်လို့ PSLF/TNLA က ဆိုပါတယ်။
