Homeမြန်မာသတင်း
မြဝတီကျားဖြန့်မှ လွတ်လာသည့် အိန္ဒိယ ၂၆၆ ဦးနှင့် မလေးရှား ၂၄ ဦးကို နေရပ်ပြန်ပို့ (ဓာတ်ပုံ)
မြဝတီကျားဖြန့်မှ လွတ်လာသည့် အိန္ဒိယ ၂၆၆ ဦးနှင့် မလေးရှား ၂၄ ဦးကို နေရပ်ပြန်ပို့ (ဓာတ်ပုံ)
DVB
·
March 11, 2025
ထိုင်း-မြန်မာနယ်စပ် မြဝတီမြို့က လောင်းကစားရုံတွေနဲ့ ကျားဖြန့် အွန်လိုင်းငွေလိမ်လုပ်ငန်းခွင်မှာ ခိုင်းစေခံရပြီး လွတ်မြောက်လာတဲ့ အိန္ဒိယနိုင်ငံသား ၂၆၆ ယောက်နဲ့ မလေးရှားနိုင်ငံသား ၂၄ ယောက်ကို ကရင်နယ်ခြားစောင့်တပ် (BGF) ရဲ့ အကူအညီနဲ့ မတ် ၁၁ ရက်မှာ မဲဆောက်ကတဆင့် သက်ဆိုင်ရာနိုင်ငံတွေဆီ ပြန်ပို့လိုက်ပါတယ်။
မတ် ၁၀ ရက်ကလည်း အိန္ဒိယနိုင်ငံသား ၂၈၃ ယောက်ကို သူ့အစိုးရက လေယာဉ်နဲ့ ပြန်လည် ခေါ်ဆောင်သွားခဲ့ပြီး ၂ ရက်အတွင်း အိန္ဒိယသား ၅၄၉ ယောက်ကို ပြန်ခေါ်သွားတာပါ။ မလေးရှားနိုင်ငံသား ၂၄ ယောက်ကိုတော့ မဲဆောက်ကတဆင့် မလေးနယ်စပ်အရောက် ကားကြီးတွေနဲ့ ပြန်ခေါ်သွားပါတယ်။
အခုဆိုရင် နေရပ်ပြန်ပို့ဖို့အတွက် မြဝတီမြို့မှာ နိုင်ငံပေါင်း ၂၀ ကျော်က ကျားဖြန့်ခိုင်းစေခံရသူ အယောက် ၅,၀၀၀ ကျော်လောက် ကျန်ရှိနေပါတယ်။
