ယူကရိန်းအတွက် ရန်ပုံငွေထောက်ပံ့မှု  ခဏရပ်ထားမှုကို အမေရိကန် အမျိုးသားလုံခြုံရေးကောင်စီက ပြန်လည်စဉ်းစားနေကြောင်း အိမ်ဖြူတော်သတင်းထောက် ကဲရိုလိုင်းလီဗစ်က မတ် ၅ ရက်မှာ ပြောပါတယ်။

အမေရိကန် အမျိုးသားလုံခြုံရေးအကြံပေး မိုက်ခ်ဝေါ့လ်ဇ်က ယူကရိန်းနဲ့ ဆွေးနွေးမှုတွေ လုပ်နေတယ်လို့ သတင်းစာရှင်းလင်းပွဲမှာ လီဗစ်က ပြောပါတယ်။

ယူကရိန်းသမ္မတရုံး အကြီးအကဲ အန်ဒရေး ယာမက်ခ်ဟာ ဝေါ့လ်ဇ်နဲ့ ဖုန်းပြောဆိုမှုထဲမှာ တရားမျှတမှုနဲ့ ရေရှည်တည်တံ့တဲ့ ငြိမ်းချမ်းရေးဆီ နောက်ထပ်ခြေလှမ်းတွေကို ဆွေးနွေးခဲ့ကြောင်း ကြေညာခဲ့ပါတယ်။

တယ်လီဖုန်း ဆွေးနွေးပွဲအတွင်း နှစ်ဖက်ပုဂ္ဂိုလ်တွေဟာ သက်ဆိုင်ရာကိစ္စရပ်တွေမှာ ပူးပေါင်းဆောင်ရွက်မှုနဲ့ သဘောတူညီမှုတွေကို တိုးမြှင့်ဆောင်ရွက်ဖို့အတွက် နှစ်နိုင်ငံ ဆက်ဆံရေးမူဘောင်အတွင်း လုံခြုံရေးဆိုင်ရာ ကိစ္စရပ်တွေနဲ့ ရာထူးနေရာတွေ ပေါင်းစပ်ညှိနှိုင်းရေးဆိုင်ရာ အမြင်သဘောထားတွေကို အတွင်းကျကျ ဖလှယ် ဆွေးနွေးခဲ့ကြပါတယ်။

သူတို့အဖွဲ့တွေဟာ ဒီအရေးကြီးလုပ်ငန်းကို ရှေ့ဆက်တိုးတက်စေဖို့အတွက် မကြာမီကာလအတွင်း တွေ့ဆုံကြဖို့ သဘောတူထားပါတယ်။

ပြီးခဲ့တဲ့ သောကြာနေ့က အိမ်ဖြူတော်မှာ ယူကရိန်းသမ္မတ ဗိုလိုဒီမာ ဇလန်းစကီးနဲ့ အမေရိကန်သမ္မတ ဒေါ်နယ်ထရမ့်ပ်တို့ စကားပြောအဆင်မပြေ ဖြစ်ခဲ့ပြီးနောက်မှာ နှစ်နိုင်ငံဆိုင်ရာ အရင်းအမြစ် သဘောတူညီချက်ကို ဖျက်သိမ်းလိုက်ပြီးနောက် တနင်္လာနေ့မှာ ထရမ့်ပ်အစိုးရဟာ ယူကရိန်းအတွက် စစ်ရေးအကူအညီအားလုံးကို ခေတ္တရပ်ထားခဲ့တာပါ။

ဗုဒ္ဓဟူးနေ့မှာ ဇလန်းစကီးဟာ သူ့နိုင်ငံနဲ့ အမေရိကန်ပြည်ထောင်စုအကြား ပူးပေါင်းဆောင်ရွက်မှုဟာ အပြုသဘောဆောင်တဲ့ တိုးတက်မှုရှိကြောင်းနဲ့ နှစ်ဖက်စလုံးမှ အဖွဲ့တွေဟာ နောက်ထပ်အစည်းအဝေးအတွက် ပြင်ဆင်မှုတွေ စတင်နေပြီဖြစ်တာကြောင့် မကြာခင်မှာ နောက်ထပ်တွေ့ဆုံမှုတခု ပြုလုပ်နိုင်ကြောင်း ပြောဆိုခဲ့ပါတယ်။

အင်္ဂါနေ့က ကွန်ဂရက်လွှတ်တော်ရဲ့ ပူးတွဲအစည်းအဝေးမှာ မိန့်ခွန်းပြောကြားရင်း အမေရိကန်သမ္မတ ဒေါ်နယ်ထရမ့်ပ်က ရုရှားနဲ့ ယူကရိန်းကြား ထာဝရငြိမ်းချမ်းရေး ရရှိဖို့ အစောဆုံးအခွင့်အရေးအနေနဲ့ စေ့စပ်ဆွေးနွေးဖို့ အဆင်သင့်ရှိကြောင်း ယူကရိန်းသမ္မတက ရေးသားထားတဲ့စာကို ပေးပို့ခဲ့ကြောင်း ပြောကြားခဲ့ပြီး ယူကရိန်းဟာ အမေရိကန်နဲ့ သတ္တုတွင်းထွက် သဘောတူညီချက်ကို လက်မှတ်ရေးထိုးဖို့ ပြင်ဆင်နေကြောင်းလည်း ဆိုပါတယ်။

Source : Reuters