ဆာလာက စီရော်နယ်ဒိုလို အတုယူစရာစံပြကစားသမားဖြစ်ဟု နည်းပြ စလော့ ချီးကျူး
DVB
·
February 17, 2025
လီဗာပူးရဲ့ တိုက်စစ်ကစားသမား မိုဆာလာဟာ စီရော်နယ်ဒိုလိုပဲ လူငယ်တွေအတွက် အတုယူစရာ စံပြ ကစားသမားဖြစ်တယ်လို့ နည်းပြအာနဲစလော့က နိူင်းယှဉ်ချီးကျူးသွားပါတယ်။
ဆာလာဟာ အသက် ၃၂ နှစ်အရွယ်ရောက်နေပြီဖြစ်ပေမဲ့ အကောင်းဆုံးစွမ်းဆောင်ရည်ကို ဆက်ထိန်းထားနေဆဲဖြစ် ပြီး ပရီးမီးယားလိဂ် ၂၄ ပွဲမှာ ၂၂ ဂိုးသွင်း၊ ၁၄ ကြိမ်ဂိုးဖန်တီးမှု ပြုလုပ်ထားတာပါ။
ဆာလာရဲ့ ကြံ့ခိုင်မှုနဲ့ ဘောလုံးကျွမ်းကျင်မှုတွေက ထိပ်တန်းအဆင့်မှာရှိနေဆဲဖြစ်ပြီး ၃ ရက်ကို ၁ ပွဲကစားနိုင်တဲ့ သက်လုံလည်း ရှိနေဆဲဖြစ်ကြောင်း နည်းပြစလော့က ပြောပါတယ်။
ဒီလိုကစားနိုင်တာက ဆာလာ တယောက်တည်း ရှိတာတော့မဟုတ်ဘဲ စီရော်နယ်ဒိုလို ကစားသမားဟာလည်း အလားတူကစားနိုင်တဲ့သူဖြစ်ကြောင်း၊ ဆာလာဟာ စီရော်နယ်ဒိုလိုပဲ လူငယ်တွေအတွက် အတုယူစရာ စံပြကစားသမားဖြစ်ကြောင်း နည်းပြ အာနဲစလော့က နှိုင်းယှဉ်ချီးကျူးသွားခဲ့ပါတယ်။
